कॉलीफ्लावर-पोटँटो सूप: कॉलीफ्लावर- पोटँटो सूप हे पौस्टिक तर आहेच कारण ह्या मध्ये आपल्या आरोग्यासाठी जी प्रोटीन, कॅल्शयिम, सोडीयम, पोटॅशियम, लोह. जीवनसत्व “ए” , “बी” व “सी” असते. तसेच मुले कॉलीफ्लावर खाण्याचा कंटाळा करतात त्यामुळे सूप बनवले तर त्यांना नक्की आवडेल.
बनवण्यासाठी वेळ: ३० मिनिट
वाढणी: ४ जणासाठी
साहित्य:
२५० ग्राम कॉलीफ्लावर
३ मध्यम आकाराचे बटाटे
१ मोठा कांदा (चिरून)
२ मध्यम आकाराची गाजर
४ कप व्हेजीटेबल स्टॉक
१ टी स्पून गरम मसाला
१ टी स्पून लसून (चिरून)
१ टी स्पून धने पावडर
१/२ टी स्पून हळद
१ टी स्पून जिरे पावडर
१ टी स्पून मिरे पावडर
मीठ चवीने
आवशकता भासल्यास अजून व्हेजीटेबल स्टॉक वापरणे.
कृती: कॉलीफ्लावर स्वच्छ धुवून त्याचे तुरे कापून घ्या. बटाटे सोलून धुवून त्याचे चौकोनी तुकडे करून घ्या. एका मोठ्या आकाराच्या भांड्यात वरील सर्व साहित्य एकत्र करून, भाज्या बुडेल एव्ह्डे पाणी घालून १५-२० मंद विस्तवावर शिजवून घ्या.मग भाज्या थोड्या थंड झाल्यावर मिक्सरमध्ये बारीक वाटून घ्या. त्यामध्ये व्हेजीटेबल स्टॉक मिक्स करून कॉलीफ्लावर- पोटँटो सूप गरम करून घ्या.
गरम गरम कॉलीफ्लावर- पोटँटो सूप सर्व्ह करा. सर्व्ह करताना कोथंबीर घालून सजवा.
