शाही मुगाच्या डाळीचा हलवा: मुगाच्या डाळीचा हलवा हा सणावाराला किंवा समारंभाला करायला छान आहे. मुगाच्या डाळीचा हलवा हा अगदी रीच आहे. मुगाच्या डाळीचा हलवा बनवतांना तूप, खवा, दुध वापरले आहे.
मुगाच्या डाळीचा हलवा राजस्तान मधील प्रसिद्ध स्वीट डीश आहे. तसेच मुंगदाल हलवा आईसक्रिम बरोबर सर्व्ह करतात त्यामुळे त्याची टेस्ट अप्रतीम लागते.
The English language version of the recipe and preparation method of this Special Moong Dal Halwa recipe can be seen here- Delicious Moong Dal Halwa
बनवण्यासाठी वेळ: ६० मिनिट
वाढणी: ४ जणासाठी
साहित्य:
१/२ किलो मुगाची डाळ (ग्रीन ग्राम डाळ)
१ कप साजूक तूप
१ कॉ साखर
१ लिटर दुध
१०० ग्राम खवा
१/४ टी स्पून केशर ईसेन्स
१/२ टी स्पून केशर रंग
१ टी स्पून वेलचीपूड
२-३ लवंग
१/२” दालचीनी तुकडा
कृती:
मुगडाळ धुवून ६-७ तास भिजत ठेवा. नंतर पाणी काढून मिक्सरमध्ये बारीक वाटून घ्या.
कढईमधे तूप गरम करून वेलची दाणे, दालचीनी तुकडा, लवंग घालून १० सेकंद गरम करून लगेच वाटलेली मुगडाळ घालून मिक्स करून मंद विस्तवावर गुलाबी रंग येइ परंत भाजून घ्या. मग त्यामध्ये गरम दुध हळूहळू घालून मिक्स करून घ्या.
दुध घातल्यावर मिश्रण घट्ट होई परंत मंद विस्तवावर हलवत रहा. मग त्यामध्ये साखर व खवा घालून मिक्स करून घेऊन घट्ट होई परंत शिजवून घ्या.
हलवा घट्ट झालाकी त्यामध्ये वेलचीपूड, वेलची इसेन्स घालून ड्राय फ्रुट घालून मिक्स करून एक चांगली वाफ येऊ द्या.
गरम गरम मुगाचा शाही हलवा ड्रायफ्रुट घालून सर्व्ह करा.
